Y ffordd gyflymaf: un tap
Gall eich porwr ychwanegu Pocket Change i chi. Pwyswch y botwm, yna dewiswch "Install" (Gosod) yn y ffenest fach sy'n agor.
Cyn dechrau
- Nid ap ar wahân ydi hwn, dim ond llwybr byr i'r wefan, gyda'i fotwm ei hun.
- Does dim angen rhoi unrhyw ganiatâd, a wnaiff o ddim anfon negeseuon atoch chi.
- Gallwch chi ei dynnu i ffwrdd eto unrhyw bryd (gweler diwedd y canllaw hwn).
Agorwch y dudalen hon ym mhorwr gwe eich ffôn ei hun yn gyntaf: Chrome ar y rhan fwyaf o ffonau Android, neu Safari ar iPhone neu iPad. Os daethoch chi yma o linc Facebook/WhatsApp neu o e-bost, efallai na fydd y dewis yno. Teipiwch pocketchangetools.com yn y porwr yn lle hynny.
A Ffôn neu dabled Android (Chrome)
- Agorwch pocketchangetools.com yn Chrome.
- Tapiwch y tri dot ⋮ yn y gornel dde ar y top.
- Tapiwch "Add to home screen" (Ychwanegu at y sgrin gartref). (Ar rai ffonau mae'n dweud "Install app".)
- Os yw'n gofyn i chi ddewis rhwng "Install" a "Create shortcut", tapiwch "Install". (Fel arall, tapiwch "Install" neu "Add".)
- Bydd y botwm Pocket Change gwyrdd (darn arian ag arwydd £ arno) yn ymddangos ar eich sgrin. Efallai bydd angen i chi lithro'ch bys ('sweipio') ar draws y sgrin i'w weld.
"Install" neu "shortcut"? Mae'r ddau'n rhoi botwm ar eich sgrin gartref. "Install" ydi'r gorau: mae Pocket Change yn agor yn ei ffenest ei hun fel ap, ac mae'n ymddangos yn eich rhestr apiau hefyd. Mae "Create shortcut" yn agor y wefan yn Chrome, ac mae hynny'n gweithio'n iawn hefyd.
B iPhone neu iPad (Safari)
- Agorwch pocketchangetools.com yn Safari.
- Tapiwch y botwm Share (Rhannu): sgwâr gyda saeth yn pwyntio i fyny. Ar iPhone mae ar waelod y sgrin. Ar iPad mae ar y top. (Ar iPhones mwy newydd, efallai bydd angen i chi dapio'r tri dot yn gyntaf.)
- Sgroliwch i lawr a thapio "Add to Home Screen" (Ychwanegu at y Sgrin Gartref).
- Tapiwch "Add" (Ychwanegu) yn y gornel dde ar y top.
Ar iPhone, mae tapio'r botwm yn agor y wefan yn Safari, yn union fel petaech chi wedi teipio'r cyfeiriad. Mae hynny'n fwriadol: mae'n golygu bod cadw eich dogfennau gorffenedig yn gweithio fel arfer.
C Cyfrifiadur (Chrome neu Microsoft Edge)
- Agorwch pocketchangetools.com.
- Edrychwch ar ben dde'r bar cyfeiriad am eicon gosod bach (sgrin fach gyda saeth), a chliciwch arno. Os nad ydych chi'n ei weld, agorwch ddewislen y porwr (y tri dot) a chwiliwch am "Install Pocket Change", neu "Apps" ac wedyn "Install this site as an app".
- Cliciwch "Install". Mae Pocket Change yn agor yn ei ffenest ei hun ac yn cael botwm yn eich dewislen Start.
Oes well gennych chi nod tudalen (bookmark) syml? Mae hynny'n gweithio cystal: pwyswch Ctrl + D (neu ⌘ + D ar Mac) tra byddwch chi ar y wefan.
Ei dynnu i ffwrdd eto
- Android: pwyswch a dal y botwm Pocket Change, yna tapiwch "Remove" neu "Uninstall".
- iPhone neu iPad: pwyswch a dal y botwm, tapiwch "Remove Bookmark" (neu "Delete"), yna cadarnhewch.
- Cyfrifiadur: agorwch Pocket Change, agorwch ei ddewislen (tri dot ar y top), a dewiswch "Uninstall".
Dydy tynnu'r botwm ddim yn tynnu dim byd arall, ac os ydych chi wedi talu i ddatgloi teclyn, mae'r datgloi'n aros yn eich porwr.
Helpu rhywun arall?
Mae hon yn dasg fach dda i'w gwneud ar ffôn rhiant neu ffrind tra byddwch chi gyda nhw. Rhowch y botwm ar eu sgrin gartref gyntaf (home screen), wrth ymyl yr apiau maen nhw'n eu defnyddio'n barod, a'i agor unwaith gyda'ch gilydd er mwyn iddyn nhw ei adnabod.